ہجوم کے لئے کیٹرنگ: بینکوئیٹس اور بوفے کی تیاری کے بہترین طریقے

بینکوئیٹس اور بوفیز میں گروپ کی شکل میں نقل و حرکت کافی ہوتی ہے۔  ایک بینکوئیٹ کی سیٹنگ میں آپ کو ان مہمانوں کے بارے  میں سوچنا چاہئے جو سروس کے دوران ایک دوسرے سے گھل مل رہے ہوں۔

آپ کو معلوم ہی ہے کہ ڈائنرز فلو ر پر گھوم رہے ہوں گےاور ڈائننگ ایریا کے مختلف بوفے اسٹیشنز سے اپنے پسندیدہ آئٹمز کا انتخاب کررہے ہوں گے۔

بوفیز پر آپ نے ڈرنکس اسٹیشن پر طویل قطاریں دیکھی ہوں گی۔   مشروب کا کپ بھرنے میں وقت لگتا ہے اور قطاریں جلدی لگتی ہیں۔  اس ایشو سے بچنے کے لئے ڈرنکس کو ایک علیحدہ میز پر رکھیں جو کھانے کے سیٹ اپ سے فاصلے پر ہو۔   اس سے بھی بہتر یہ ہے کہ ڈرنکس کوگلاسز میں نکال کر تیار رکھا جائے تاکہ لوگ آئیں اور بس گلاس اٹھا کے چلے جائیں۔

ایسا ہی مسئلہ بینکوئیٹس پر بھی ہوسکتا ہے۔  مصروفیت کے وقت ،  ڈرنکس لے جانے والے سرورز کھانا لے جانے والوں کے راستے میں آسکتے ہیں۔  اس سے بچنے کے لئے اپنے کچن میں ڈرنکس بنانے کی علیحدہ  جگہ سیٹ اپ کریں۔ یہ آسان سا انتظام سرورز کو نقل و حرکت کی آزادی دے گا۔

اس بات کو یقینی بنائیں کہ نیپکنز اچھی تعداد میں دستیاب ہوں اور ان تک رسائی آسان ہو۔  بینکوئیٹ پر سائیڈ سروس ٹیبلز پر اضافی نیپکنزرکھیں جبکہ بوفیز پر، فوڈ اسٹیشنز کے اختتام پر بڑی تعداد     میں نیپکنز رکھیں تاکہ مہمانو ں کو اگر کچھ صاف کرنا ہو تو وہ کچھ اضافی نیپکنز لے سکیں۔

اگر بوفے سیٹ اپ میں کوئی مسئلہ عام ہے{خصوصاً کیٹرنگ لائنز میں}  جس کاحل نکالنا ضروری ہے تو وہ ہے  کٹلری کوفوڈ اسٹیشن کے آغاز میں رکھنا۔ ایک بے تکلف بوفے سے مستفید ہوتے وقت ڈائنرز سے یہ توقع رکھنا کہ وہ کٹلری کو اپنی پلیٹس میں سنبھال کے رکھیں،  بے وجہ ہے۔  ڈائنرز وہاں لذیذ کھانے کا مزا لینے آئے ہیں۔

اس لئے ہماری تجویز ہے کہ ڈائنرز کو کھانے سے پلیٹس بھرنے دی جائیں اور کٹلری کو قطار کے آخر میں سے اٹھانے کا انتظام ہو۔  آپ کے ڈائنرز اور سروس اسٹاف اس سادہ لیکن اہم اقدام کو ضرور سراہیں گے۔